7-8 აპრილს ოზურგეთსა და ბათუმში გაიმართა საჯარო კონსულტაციები ღია მმართველობა საქართველოს რიგით მესამე სამოქმედო გეგმის (2016-2017) შემუშავების მიზნით.
მონაწილეებს შორის იყვნენ მუნიციპალიტეტის, არასამთავრობო ორგანიზაციების, მედიის წარმომადგენლები და სტუდენტები. ისინი გაეცნენ ღია მმართველობის პარტნიორობის (Open Government Partnership, OGP) მიზნებს და წამოაყენეს სამოქმედო გეგმაში შესატანი ინიციატივები.
24-26 თებერვალს სლოვაკეთში გაიმართა კონფერენცია ღია პარლამენტისა და მოქალაქეთა ჩართულობის თემაზე. კონფერენციას ესწრებოდნენ ინფორმაციის თავისუფლების განვითარების ინსტიტუტის (IDFI) დირექტორი გიორგი კლდიაშვილი და დეპუტატი – ღია და გამჭვირვალე მუდმივმოქმედი საპარლამენტო საბჭოს თავმჯდომარე გუგული მაღრაძე. მათ კონფერენციის მონაწილეებს საქართველოს გამოცდილება გააცნეს და ისაუბრეს საქართველოს საკანონმდებლო ღიაობის პროგრესზე ღია მმართველობის პარტნიორობის ფარგლებში.
2015 წლის 18 ნოემბერს, „ინფორმაციის თავისუფლების განვითარების ინსტიტუტის“ (IDFI) და საქართველოს პარლამენტის სამტრედიის მაჟორიტარი დეპუტატის გიორგი კახიანის ინიციატივით, სამტრედიის მუნიციპალიტეტის შენობაში გაიმართა საქართველოს ღია პარლამენტის 2015-2016 წლების სამოქმედო გეგმის განხილვა. განხილვაში მონაწილეობა მიიღეს სამტრედიის მუნიციპალიტეტის და საკრებულოს, ასევე, განათლების, კულტურის და სამედიცინო სფეროს, არასამთავრობო და მედია ორგანიზაციების წარმომადგენლებმა. Continue reading
2015 წლის 10-11 სექტემბერს, ღია მმართველობის პარტნიორობის ფარგლებში, ალბანეთის ქალაქ ტირანაში, ჩატარდა კონფერენცია სახელწოდებით „დასავლეთ ბალკანეთის ქვეყნების დიალოგი“. კონფერენციაში მონაწილეობა დასავლეთ ბალკანეთის (ალბანეთი, მონტენეგრო, სერბეთი, მაკედონია, კოსოვო, ბოსნია და ჰეროცოგოვინა), დიდი ბრიტანეთის, ხორვატიის, საქართველოს, პოლონეთისა და სხვა ქვეყნების სამთავრობო თუ კერძო სექტორის 400-მდე წარმომადგენელმა მიიღო.
აღნიშნული შეხვედრა დასავლეთ ბალკანეთის ქვეყნების მთავრობებისა და სამოქალაქო სექტორის პირველი კოორდინირებული მუშაობა იყო ღია მმართველობის პარტნიორობის ფარგლებში (OGP), რაც თვალსაჩინო მაგალითია იმისა, თუ რაოდენ წარმატებულად ახერხებს OGP კერძო და სამთავრობო სტრუქტურების ერთი მიზნისთვის გაერთიანებას. Continue reading
7-8 სექტემბერს მანილაში (ფილიპინები) აზიის განვითარების ბანკში, ღია მმართველობის პარტნიორობის (OGP) აზია-წყნარი ოკეანის რეგიონული შეხვედრა გაიმართა. მსოფლიოს სხვადასხვა ქვეყნიდან მიწვეულმა მთავრობების, სამოქალაქო თუ კერძო სექტორის 50-მდე წარმომადგენელმა ღია მმართველობის პარტნიორობის (OGP) პროგრამის ფარგლებში მიმდინარე რეფორმებზე იმსჯელეს და OGP პარტნიორობის გაფართოების საკითხი განიხილეს. აღსანიშნავია, რომ შეხვედრას საქართველოდან როგორც სამთავრობო, ისე სამოქალაქო სექტორის წარმომადგენლები დაესწრნენ. მიწვეულთა შორის იყვნენ: ინფორმაციის თავისუფლების განვითარების ინსტიტუტის (IDFI) დირექტორი, გიორგი კლდიაშვილი და იუსტიციის სამინისტროს ანალიტიკური დეპარტამენტის წარმომადგენლები – ქეთევან ცანავა და მარიამ თუთბერიძე.
შეხვედრაზე განიხილეს აზიის განვითარების ბანკის სამოქმედო გეგმა და ღია მმართველობის პარტნიორობის გლობალური სამიტი, რომელიც ოქტომბერში მექსიკის ქალაქ მეხიკოშია დაგეგმილი. პირველ სამუშაო დღეს საქართველოს წარმომადგენლებმა სამოქალაქო საზოგადოებასა და მთავრობას შორის ურთიერთობის გაძლიერების საკითხის მნიშვნელობაზე გაამახვილეს ყურადღება. სესიის მიზანი იყო შეხვედრის მონაწილეები გაცნობოდნენ მუდმივი კონსულტაციების ფორუმის პრაქტიკას საქართველოს მაგალითზე და გაეგოთ იმ გამოწვევებისა და შესაძლებლობების შესახებ, რომელსაც ქვეყნები ანალოგიური პრაქტიკის დანერგვისას გადააწყდებიან. Continue reading
ინფორმაციის თავისუფლების განვითარების ინსტიტუტმა” (IDFI) ღია მმართველობის პარტნიორობის (OGP) შესახებ სემინარები “რეგიონებში გამართა. 13 ოქტომბერს სამცხე ჯავახეთის სახემლწიფო უნივერსიტეტში IDFI-ს გამგეობის თავმჯდომარე ლევან ავალიშვილი და დირექტორი გიორგი კლდიაშვილი სტუდენტებს პარტნიორობის მიზნებსა და გამოწვევებზე ესაუბრნენ. დეტალურად განუმარტეს 2014-2015 წლების ეროვნული სამოქმედო გეგმით აღებული ვალდებულებები, რაც საქართველომ უნდა შეასრულოს.
OGP –ის შესახებ საუბარი მომდევნო დღეს ბიბლიოთეკარებთან ყვარელში გაგრძელდა. IDFI მოხალისეობრივად ჩართულია IREX-ის მიერ დაფინანსებული Beyond Access პროგრამაში, რომელიც მუშაობს მსოფლიო მაშტაბით, რათა ხელი შეუწყოს ბიბლიოთეკების როლს განვითარების პროცესში. ბიბლიოთეკების ტრანსფორმაციას ეხება OGP-ის ფარგლებში აღებული ერთერთი ვალდებულებაც. იუსტიციის სამინისტროს ტრენინგ ცენტრში შეკრებილმა ბიბლიოთეკების წარმომადგენლებმა განსაკუთრებული ყურადღება სწორედ ამ ვალდებულებებზე გააკეთეს.
გიორგი კლდიაშვილმა აუხსნა, რომ ეს ვალდებულება გულისხმობს საჯარო ბიბლიოთეკების გამოყენებას ახალი დანიშნულებით: ტრადიციულ ფუნქციებთან ერთად, ბიბლიოთეკები შეიძენს საზოგადოებრივი ცენტრის
ფუნქციებს. საზოგადოებრივ ცენტრებთან ერთად, ბიბლიოთეკები იქნება დამატებითი საშუალება, სოფლის მოსახლეობის და ადგილობრივი თვითმმართველობის შესაძლებლობების გაზრდის ხელშესაწყობად. გადამზადებული ბიბლიოთეკარები საინფორმაციო და საკომუნიკაციო ტექნოლოგიებით (ინტერნეტი, კომპიუტერული ტექნიკა,
ახალი წიგნები) აღჭურვილ ბიბლიოთეკებში მომსახურებას გაუწევს საზოგადოებას.
ღია მმართველობის მნიშვნელობაზე გააკეთეს აქცენტი აკაკი წერეთლის სახელმწიფო უნივერსიტეტის სტუდენტებმა. შეხვედრა 16 ოქტომბერს ქუთაისში შედგა. როგორც გიორგი კლდიაშვილმა აღნიშნა, თუ მთავრობა არ უსმენს მოსახლეობას, ის ვერ იქნება წარმატებული. მან აქცენტი მმართველობით პროცესებში მოქალაქეთა ჩართულობაზე გააკეთა აქცენტი.
სტუდენტები დაინტერსდნენ, რამდენად არის შესაძლებელი, რომ მთავრობამ ხელი შეუწყოს საკუთარ საქმიანობაში მოქალაქეთა ჩართვას, არის თუ არა ეს მის ინტერესსში და გამოითქვა მოსაზრება, რომ საზოგადოების გააქტიურება არასამთავრობო ორგანიზაციების მიზანი უნდა იყოს. მის საპასუხოდ IDFI-ს დირექტორმა განაცხადა:
“მთავრობას აქვს უფრო მეტი რესურსი მოქალაქეთა ჩართულობის გასაზრდელად, ვიდრე მოქალაქეს, იმ ქვეყანაში, რომლის მთავრობასაც არ სურს პროცესები ღია გახადოს. თუ ხელისუფლებას არ აქვს ნება, რომ მაგალითად საბიუჯეტო პროცესებში საზოგადოება ჩართოს, მოქალაქე ამას ვერ მოახერხებს. ამიტომაც სწორედ მთავრობა უნდა ზრუნავდეს მმართველობით პროცესებში მოქალაქეთა მონაწილეობის გაზრდას”
OGP-ის შესახებ სემინარები მომდევნო კვირაშიც გაგრძელდება. ვორქშოფები USAD-ის დემოკრატიული მმართველობა საქართველოში (G-3) მხარდაჭერილი პროექტის ფარგლებში იმართება.
ინფორმაციის თავისუფლების განვითარების ინსტიტუტმა (IDFI) ბათუმში მომუშავე ჟურნალისტებისთვის 19 სექტემბერს ღია მმართველობის პარტნიორობის (OGP) შესახებ ვორქშოფი გამართა. შეხვედრა, რომელსაც IDFI-ის დირექტორი და ღია მმართველობა საქართველოს ფორუმის თანათავმჯდომარე გიორგი კლდიაშვილი უძღვებოდა, დემოკრატიული ჩართულობის ცენტრში გაიმართა.
შეხვედრის მონაწილეებმა მიიღეს ინფორმაცია როგორც ზოგადად პარტნიორობის, ისე სამოქმედო გეგმის ფარგლებში უკვე შესრულებული და ახლად აღებული ვალდებულებების შესახებ.
გიორგი კლდიაშვილმა ვრცლად ისაუბრა ღია მონაცემების მნიშვნელობაზე და ამ მიმართულებით 2014-2015 წლების დაგეგმილ აქტივობებზე – ინფორმაციის თავისუფლების აქტის შემუშავებაზე, ღია მონაცემების პორტალი Data.gov.ge-სა და მოქალაქის პორტალის My.gov.ge-ს განვითარებაზე. მანვე ჟურნალისტებს ინფორმაცია მიაწოდა ისეთი ვ
ალდებულებების შესახებ, როგორიცაა სატელეფონო საუბრების ფარული მოსმენის კვარტალური სტატისტიკის გამოქვეყნება, თანამდებობის პირთა ქონებრივი დეკლარაციის მონიტორინგის სისტემის დანერგვა, არქივების ხელმისაწვდომობის გამარტივება, მთავრობისთვის პეტიციების ონლაინ გაგზავნის პორტალის ichange.ge -ის შექმნა და საბიუჯეტო პროცესების შესახებ მოსახლეობის ინფორმირების მექანიზმის შემუშავება.
IDFI-ის დირექტორმა ხაზი გაუსვა მოქალაქეთა ჩართულობის მნიშვნელობას სამოქმედო გეგმის შემუშავების პროცესში და აღნიშნა, რომ მედიას მნიშვნელოვანი როლი აკისრია, როგორც საზოგადოებისთვის OGP-სი შესახებ ინფორმაციის მიწოდების თვალსაზრისით, ასევე სახელმწიფო უწყებების მიერ აღებული ვალდებულებების შესრულების კონტროლის მიმართულებით.
ჟურნალისტები დაინტერესდნენ რა ახალი ნორმები დაემატება ინფორმაციის თავისუფლების აქტს, რა რეგულაციები დაინერგება, როგორ მოხდება საჯარო ინფორმაციის მიღების პროცესში არსებული ხარვეზების წარმოქმნა, რა მექანიზმი არსებობს იმისათვის, რომ უწყებებმა პროაქტიულად ინფორმაციის გამოქვეყნებისას ერთიანი სტანდარტი დაიცვან და ზუსტი ინფორმაცია განათავსონ.
შეხვედრა პროექტის „ღია მმართველობის პარტნიორობის ხელშეწყობის“ ფარგლებში გაიმართა, რომლის ფინანსური მხარდამჭერია USAID, დემოკრატიული მმართველობა საქართველოში პროგრამა (G-3)
2014 წლის 15 მარტიდან საქართველოს მთავრობა ქვეყნის მასშტაბით საჯარო კონსულტაციებს მართავს. შეხვედრები მიზანად ისახავს, საზოგადოებას მიაწოდოს ინფორმაცია მომდევნო ორი წლის მანძილზე მთავრობის მიერ დაგეგმილი იმ ღონისძიებების შესახებ, რაც ღია და მონაწილეობითი მმართველობის უზრუნველყოფას ემსახურება.
შეხვედრების მიზანია საზოგადოების ჩართულობის გაზრდა, მათი მოსაზრებების, იდეების შეკრება, რათა მთავრობის სამოქმედო გეგმა და გაწერილი ღონისძიებები პასუხობდეს მოქალაქეთა საჭიროებებს.
11-12 იანვარს, USAID-ის პროგრამის დემოკრატიული მმართველობა საქართველოში (G-3) ფარგლებში ჩატარდა სამოქალაქო საზოგადოების ფორუმი თემაზე – „პარტნიორობა ღია მმართველობისთვის“ და ამ ინიციატივაში საქართველოს მონაწილეობის შესახებ. ფორუმში მონაწილეობა მიიღო არასამთავრობო და სამთავრობო სექტორის 25 წარმომადგენელმა, ასევე დამოუკიდებელმა ექსპერტებმა. ფორუმზე განიხილეულ იქნა მნიშვნელოვანი საკითხები პარტნიორობის შესახებ. დისკუსიის ძირითადი თემა იყო კოალიციის „მედია ადვოკატირებისთვის“ მიერ საქართველოს სამოქმედო გეგმის შესახებ მთავრობისთვის შემუშავებული რეკომენდაციები.
კონფერენცია გახსნა პროგრამა G-3- ის დირექტორმა ბატონმა მარის მიქელსონმა, რომელმაც ხაზი გაუსვა OGP-ს მნიშვნელობას საქართველოსთვის. ღია მმართველობის პარტნიორობის და კერძოდ ამ ინიციატივაში საქართველოს მონაწილეობის შესახებ პრეზენტაცია წარმოადგინა გიორგი კლდიაშვილმა, G-3-ის ექსპერტმა ინფორმაციის თავისუფლების საკითხებში და ინფორმაციის თავისუფლების განვითარების ინსტიტუტის დირექტორმა. საქართველოს სამოქმედო გეგმის შესახებ პრეზენტაცია წარმოადგინა იუსტიციის სამინისტროს ანალიტიკური დეპარტამენტის წარმომადგენელმა ქეთევან აბაშიძემ, ქალბატონმა ქეთევანმა ისაუბრა პარტნიორობის მიზნების შესასრულებლად მთავრობის მიერ უკვე განხორციელებულ და დაგეგმილ პროექტებზე : www.data.gov.ge, ვებგვერდი, რომელიც ერთ სივრცეში გააერთიანებს საჯარო უწყებების ვებგვერდებზე განთავსებულ საჯარო ინფორმაციას; ონლაინ პეტიციების პროექტი ichange.ge; იუსტიციის სახლები, და სხვა. ფორუმის მონაწილეებმა დასვეს საკამოდ ბევრი საკითხი და წარმოადგინეს თავიანთი იდეები არსებული მდგომარეობის გაუმჯობესებისათვის. Continue reading
OGP - საქართველო 