ღია მმართველობის ფორუმის მეხუთე შეხვედრა იუსტიციის სამინისტროში

Image

29 აპრილს იუსტიციის სამინისტროში გაიმართა ღია მმართველობის პარტნიორობის ფორუმის მეხუთე შეხვედრა. ფორუმის მიზანი იყო ღია მმართველობის პარტნიორობის სამოქმედო გეგმის პირველადი ვარიანტის განხილვა, რომელიც 30 აპრილს უნდა წარედგინოს ღია მმართველობის პარტნიორობის მმართველ კომიტეტს (Steering Committee), ხოლო დოკუმენტის საბოლოო ვარიანტი უნდა დამტკიცდეს 15 ივნისს. შეხვედრამ, რომელსაც ესწრებოდნენ საჯარო უწყებებისა და სამოქალაქო საზოგადოების წარმომადგენლები, მიმოიხილა ღია მმართველობის პარტნიორობის ფარგლებში აღებული ვალდებულებების რელევანტურობა OGP-ის მიზნებთან და გამოწვევებთან; შეხვედრის ბოლოს არასამთავრობო ორგანიზაციების წარმომადგენლებმა ანგარიშვალდებულ საჯარო უწყებებს გააცნეს საკუთარი რეკომენდაციები.

Continue reading

ანტი-კორუფციული საბჭოს მორიგი შეხვედრა ღია მმართველობის პარტნიორობის შესახებ

Image

2014 წლის 14 აპრილს, სასტუმრო რედისონ ბლუ ივერიაში გაიმართა ანტი-კორუფციული საბჭოს მორიგი შეხვედრა (იხილეთ დღის წესრიგი) შეხვედრას ხელმძღვანელობდა იუსტიციის მინისტრი თეა წულუკიანი.

უწყებათაშორისი ანტიკორუფციული საბჭოს შეხვედრა მიეძღვნა საქართველოს მონაწილეობას ღია მმართველობის პარტნიორობაში და საქართველოს მთავრობის 2014-2015 წლების სამოქმედო გეგმის სამუშაო ვარიანტის განხილვას.

შეხვედრა რამდენიმე ნაწილად გაიმართა. პირველ ნაწილში იუსტიციის სამინისტროს ანალიტიკური დეპარტამენტის უფროსმა, ღია მმართველობის პარტნიორობის ფორუმის თანა-თავმჯდომომარემ, რუსუდან მიხელიძემ წარადგინა 2014-15 წლების სამოქმედო გეგმის სამუშაო ვერსია და ის ვალდებულებები, რაც უკვე აიღეს საჯარო დაწესებულებებმა. მან ასევე ისაუბრა ღია მმართველობის პარტნიორობის ფორუმის მიმდინარეობაზე. პირველი ნაწილი დისკუსიისთ დასრულდა.

Continue reading

ღია მმართველობის პარტნიორობის ფორუმის მეოთხე შეხვედრა იუსტიციის სამინისტროში

Image

7 აპრილს იუსტიციის სამინისტროში ღია მმართველობის პარტნიორობის მეოთხე ფორუმი გაიმართა. შეხვედრას ესწრებოდნენ არასამთავრობო ორგანიზაციებისა და სამთავრობო უწყებების წარმომადგენლები.

ფორუმი სამ ნაწილად გაიმართა. პირველ ნაწილში მონაწილეებმა განიხილეს სამოქმედო გეგმაში გაწერილი ვალდებულებები და მათი რელევანტურობა OGP-ის მიზნებთან. ამ ეტაპზე გაწერილია 20-ზე მეტი ვალდებულება, რომელთა შესრულებაზეც პასუხისმგებლობას იღებს სხვადასხვა საჯარო დაწესებულება პარტნიორ უწყებებთან ერთად. ვალდებულებები ოთხი ძირითადი მიმართულების გაუმჯობესებას ემსახურება: საჯარო მომსახურების გაუმჯობესება, საზოგადოებრივი ჩართულობის გაზრდა, საჯარო რესურსების უკეთესი მართვა და უსაფრთხო გარემოს შექმნა. უნდა აღინიშნოს, რომ სამოქმედო გეგმაში ვალდებულებები არ არის სრულყოფილად გაწერილი, რადგან ყველა უწყებას არ წარუდგენია მის მიერ აღებული ვალდებულებების სია.

Continue reading