ინფორმაციის თავისუფლების განვითარების ინსტიტუტმა (IDFI) ღია მმართველობის პარტნიორობის (OGP) შესახებ სტუდენტებთან დისკუსია 23 სექტემბერს გამართა. შეხვედრა, რომელსაც სხვდასხვა უნივერსიტეტის სტუდენტები ესწრებოდნენ განათლების მულტიმედია ცენტრში შედგა. სემინარი გაიმართა USAD-ის დემოკრატიული მმართველობა საქართველოში (G-3) მხარდაჭერილი პროექტის ფარგლებში.
IDFI-ის გამგეობის თავმჯდომარე ლევან ავალიშვილმა შეხვედრის მონაწილეებს აუხსნა როგორ მუშაობს OGP, რა ვალდებულებებს იღებს საქართველო პარტნიორობაში, როგორ არის სამოქალაქო საზოგადოება ამ პროცესში ჩართული და რა უნდა გაკეთდეს იმისათვის რომ გაიზარდოს დაინტერესება როგორც ვალდებულებების შემუშავების თვა
ლსაზრისით, ისე მათი შესრულების კონტროლის მიმართულებით.
ლევან ავალიშვილმა სტუდენტებს განუმარტა, თუ რა ვალდებულებები აქვთ აღებული სახელმწიფო უწყებებს 2014-2015 წლების სამოქმედო გეგმის ფარგლებში, შემდეგ კი მათ სთხოვა მოეფიქრებინათ ერთი ვალდებულება თბილისის მერიისთვის, რაც მათი აზრით კარგი იქნება თუ მომდევნო სამოქმედო გეგმაში აისახება.
მსჯელობის შემდეგ შეხვედრის მონაწილეები შეთანხმდნენ, რომ თბილისის მერიამ უნდა დანერგოს სერვისები, რაც ფოკუსირებული იქნება მოქალქეებთან კომუნიკაციის, სატრანსპორტო მოძრაობის გაუმჯობესებასა და ჰაერის დაბუნძურების შემცირებაზე.
სტუდენტები ფიქრობენ, რომ კარგი იქნება თუ თბილისის მერიის ვებ გვერდს დაემატება ფუნქცია, რითიც შესაძლებელი 
იქნება ნებისმიერი ნებართვის ელექტრონულად მიღება. გარდა ამისა, მონაწილეთა აზრით, მნიშვნელოვანი პრობლემაა თბილისის მერიაში მოქალაქეთა მომსახურება, რაც შესაძლოა გაუმჯობესდეს რიგში ელექტრონულად დარეგისტრირებით. როგორც ერთ ერთმა მონაწილემ აღნიშნა, თუ ვებ გვერდზე განთავსდება ინფორმაცია რამდენი ადამიანი ელოდება საკუთარ რიგს და სახლიდან გაუსვლელად მიიღებენ რიგის ნომერს, ამით დაზოგავენ დროს და რესურსებს.
OGP - საქართველო 